Сумен жабдықтау және су бұру қызметінің icon

Сумен жабдықтау және су бұру қызметінің



НазваниеСумен жабдықтау және су бұру қызметінің
Дата конвертации10.02.2013
Размер130.09 Kb.
ТипДокументы
источник






Қазақстан Республикасы Құрылыс және тұрғын үй-коммуналдық шаруашылық істері агенттігі төрағасының

2011 жылғы __ ___________

№ ____ бұйрығымен

бекітілген



Сумен жабдықтау және су бұру қызметінің

көрсетілген көлемін анықтау әдістемесі


1. Жалпы ережелер


Осы Сумен жабдықтау және су бұру қызметінің көрсетілген көлемін есептеу әдістемесі (бұдан әрі – Әдістеме) Қазақстан Республикасының Су кодексінің 37-1-бабының 3) тармақшасына және сәйкес сумен жабдықтау және су бұру қызметтерін пайдаланатын жеке, заңды тұлғаларға және жеке кәсіпкерлерге (бұдан әрі – тұтынушыларға) елді мекендердің сумен жабдықтау және су бұру жүйесін пайдаланушы ұйымдар (бұдан әрі – қызмет көрсетуші) көрсеткен қызметінің көлемін анықтау кезінде бірыңғай ұстанымды қамтамасыз ету мақсатында әзірленді.

Осы Әдістеме қызмет көрсетуші тұтынушыға төлеу үшін шот ұсынған жағдайда көрсетілген сумен жабдықтау және су бұру қызметінің көлемін анықтау тәртібін көздейді.

2. Осы Әдістемеде мынадай терминдер мен ұғымдар пайдаланылады:

1) есептеу құралы – нормаланған метрологиялық сипаттамасы бар, белгілі бір уақыт аралығы ішінде физикалық шама бірлігін жаңғыртатын және сақтайтын әрі Қазақстан Республикасының заңнамасында белгіленген тәртіппен коммерциялық есепке алу үшін қолдануға рұқсат  етілген су көлемін өлшеуге арналған техникалық құрал;

2) қызмет көрсетуші – сумен жабдықтау мен су бұрудың толық технологиялық үдерісін жүзеге асыратын және тұтынушыларға сумен жабдықтау және су бұру жөнінде қызметтер көрсету мақсатында елді мекеннің сумен жабдықтау және су бұру жүйесін пайдаланатын, сондай-ақ тұтынушылардың сумен жабдықтау және су бұру жүйелерінің жай-күйіне техникалық қадағалауды жүзеге асыратын, тұтастай алғанда елді мекеннің сумен жабдықтау және су бұру жүйелерінің дамуын реттейтін және бақылайтын су шаруашылығы ұйымы (сумен жабдықтау және су бұру кәсіпорны);

3) оқшау тазарту құрылыстары – тұтынушының ауыз суын дайындауға немесе өзінің сарқынды суларын елді мекеннің су бұру жүйесіне ағызу алдында оларды тазартуға арналған құрылыстары мен құрылғыларының жиынтығы;

4) пайдалану жауапкершілігін бөлу шекарасы – тараптардың келісімімен белгіленетін міндеттер (оларды пайдалану жауапкершілігі) белгісі бойынша сумен жабдықтау және су бұру жүйелері элементтерінің бөлу сызығы. Мұндай келісім болмаған кезде пайдалану жауапкершілігінің шекарасы теңгерімдік тиесілілігін бөлу шекарасы бойынша белгіленеді;

5) кірме су құбыры – қосылу нүктесіндегі тиекті арматурасы бар құдықты қоса алғанда, ғимараттағы бірінші ысырмаға дейінгі сумен жабдықтаудың тарату желісіндегі құбыр;

6) су тұтынуды пайдалану нормасы – Қазақстан Республикасының заңнамасында белгіленген тәртіпте есептелген, нақты елді мекендегі бір адамның, жеке қосалқы шаруашылықтағы жануарларының тәуліктік қажеттілігін қанағаттандыруға немесе суармалы ауданның бір бірлігіне арналған судың есептік мөлшері;

7) тұтынушы – меншігінде немесе өзге де заңды негізде сумен жабдықтау және су бұру жүйелері бар, сумен жабдықтау және су бұру жүйелеріне қосылған және қызмет көрсетушінің сумен жабдықтау және су бұру жөніндегі қызметтерін шарт негізінде пайдаланатын жеке немесе заңды тұлға;

8) өзі ағатын су құбырының толық өткізу қабілеттілігі – бар еңістігі мен 1,0 d (d – құбырдың ішкі диаметрі) тең толған кезде және оның тәулігіне құбыр бойынша 24 сағат бойы су қозғалысының жылдамдығы секундына бір метр кезінде құбыр бойынша бұрылатын сарқынды су шығыны;

9) су құбырының толық өткізу қабілеттілігі – 1,0 d (d – құбырдың ішкі диаметрі) тең толған кезде және оның тәулігіне құбыр бойынша 24 сағат бойы су қозғалысының жылдамдығы секундына екі метр кезіндегі су шығыны.

3. Сумен жабдықтау және су бұру жөнінде көрсетілген қызметтің көлемі қызмет көрсетуші пайдалану жауапкершілігін бөлу шекарасында орнатылған және коммерциялық есепке алуға қабылданған есептеу құралының көрсеткіштері бойынша анықталады.

4. Есептеу құралы болмаған кезде, осы Әдістемеде көзделген жағдайлардан басқа, көрсетілген сумен жабдықтау қызметінің көлемі нақты елді мекенде бекітілген су тұтыну нормасы бойынша есептеу арқылы анықталады.

5. Көрсетілген су бұру қызметінің көлемі, осы Әдістемеде және Қазақстан Республикасының заңнамасында көзделген жағдайлардан басқа, сумен (ыстық, техникалық, ауыз су), оның ішінде шұңқырға (септикке) сарқынды суды бұру немесе оқшау тазарту құрылыстары кезінде сумен жабдықтау қызметінің көлеміне тең қабылданады.

6. Коммерциялық есепке алуға қабылданған ағынды сарқынды суды есептеу құралы тұтынушыда болған кезде көрсетілген су бұру қызметінің көлемі осы есептеу құралының көрсеткіші бойынша анықталады.

7. Елді мекеннің сумен жабдықтау жүйесіне қосылмаған, сондай-ақ елді мекеннің су бұру жүйесіне сарқынды суды бұратын әр түрлі сумен жабдықтау көздері бар тұтынушыларда сарқынды суды есептеу құралы болмаған жағдайда, оларға көрсетілген су бұру қызметінің көлемі есептеу құралының көрсеткіші бойынша немесе су тұтынуды пайдалану нормасы бойынша есептеу арқылы анықталады.

8. Қызмет көрсетушінің рұқсаты бойынша кезекті тексеруге, жөндеуге немесе ауыстыруға байланысты есептеу құралы уақытша болмаған жағдайда, көрсетілген сумен жабдықтау қызметінің көлемі есептеу құралы болмаған кезең ішінде, бірақ бір айдан артық емес, есептеу құралының көрсеткіштеріне сәйкес алдағы үш айдың орташа шығыны бойынша анықталады. Аталған мерзім өткен соң есептеу құралы болмаған кезде көрсетілген сумен жабдықтау қызметінің көлемі су тұтынуды пайдалану нормасы бойынша есептеу арқылы анықталады.

9. Әзірлеуші зауыт белгілеген шектегі есептеу құралының қателігі сумен жабдықтау және су бұру жөнінде көрсетілген қызметтің көлемін қайта есептеу жүргізуге негіздеме бола алмайды.

10. Суды коммерциялық есепке алу үшін коммуналдық шаруашылық саласындағы уәкілетті органмен және қалалық елді мекендерде сумен жабдықтау және су бұру жүйесіне объектілерді қосуға арналған техникалық шарттарда баяндалған техникалық талаптармен бекітілген Сумен жабдықтау және су бұру жүйелерінде коммерциялық есептеу құралын таңдау, монтаждау және пайдалану жөніндегі әдістемелік нұсқауларға сәйкес сезімталдығы жоғары және нақтылығы барынша жоғары класты есептеу құралдары орнатылады.

11. Тұрғын үй қорында өрт сөндіруден басқа жағдайларда, оның кiмге тиесiлi екенiне мен меншік нысанына қарамастан, тұтынушыда және тұтынушы болып табылмайтын объектіде өрт сөндіруге, өрт-тактикалық оқуларға және гидранттарды тексеруге елді мекеннің сумен жабдықтау жүйесінің су шығынын тұтынушы мен объект иесі төлеуге тиіс.


^ 2. Ыстық сумен жабдықтаудың ашық және жабық

жүйелерінде көрсетілген қызметтердің көлемін есепке алу


12. Ыстық сумен жабдықтау – бір немесе бірнеше кәсіпорын көрсететін суық сумен жабдықтау және суды қыздыру – әр түрлі екі қызметтен тұратын күрделі қызмет.

13. Көп пәтерлі тұрғын үйді ыстық сумен жабдықтаудың ашық жүйесі кезінде ыстық су ыстық сумен жабдықтаудың орталықтандырылған жүйесінен келіп түседі. Бұ ретте, үйге ортақ суды есептеу құралы ыстық және суық сумен жабдықтаудың кірмелеріндегі пайдалану жауапкершілігін бөлу шекарасында орнатылады.

14. Ыстық сумен жабдықтаудың жабық жүйесі кезінде тұтынушыға суық су ауыз сумен жабдықтаудың орталықтандырылған жүйесінен келіп түседі және ғимаратта екі құбырға бөлінеді: біреуі – суық сумен жабдықтаудың үй ішіндегі тарату желісіне, екіншісі – жергілікті су ысытқыш арқылы ыстық сумен жабдықтаудың үй ішіндегі тарату желісіне ағады. Бұл ретте, үйге ортақ есептеу құралы суық сумен жабдықтаудың кірмесіндегі пайдалану жауапкершілігін бөлу шекарасында орнатылады.

15. Қызмет көрсетуші, егер Қазақстан Республикасының заңнамасында өзге көзделмесе, өзі көрсететін қызмет үшін ғана ақы алуды жүргізеді.


^ 3. Кондоминиум қатысушыларына сумен жабдықтау және

су бұру қызметінің көрсетілген көлемін есепке алу


16. Тұтынушыларға кондоминиум қатысушыларына сумен жабдықтау қызметінің көрсетілген көлемі мынадай тәртіпте анықталады:

1) жеке және үйге ортақ есептеу құралы болмағанда – су тұтынуды пайдалану нормалары бойынша;

2) жеке есептеу құралы ішінара орналастырылғанда және үйге ортақ есептеу құралы болмағанда – жеке есептеу құралының көрсеткіштері және су тұтынуды пайдалану нормалары бойынша;

3) жеке есептеу құралы ішінара орналастырылғанда және үйге ортақ есептеу құралы болғанда:

есептеу құралы болғанда – жеке есептеу құралы бойынша;

есептеу құралы болмағанда – су тұтынуды пайдалану нормалары бойынша.

Үйге ортақ есептеу құралының көрсеткіштері мен жеке есептеу құралының жиынтық көрсеткіштері және су тұтынуды пайдалану нормалары бойынша есептелген көлемдер арасындағы айырмашылықты пәтерлер, қоса салынған және жапсарлас тұрғын емес үй-жайларының иелері (кондоминиум қатысушылары) тұтынған су көлеміне тепе-тең мөлшерде төлейді;

4) 100 % жеке есептеу құралы және үйге ортақ есептеу құралы болмағанда – жеке есептеу құралының көрсеткіштері бойынша;

5) 100 % жеке есептеу құралы және үйге ортақ есептеу құралы болғанда – жеке есептеу құралының көрсеткіштері бойынша. Үйге ортақ есептеу құралының көрсеткіштері мен жеке есептеу құралының сомалық көрсеткіштері арасындағы айырмашылықты пәтерлер, қоса салынған және жапсарлас тұрғын емес үй-жайларының иелері (кондоминиум қатысушылары) тұтынған су көлеміне тепе-тең мөлшерде төлейді;

6) елді мекеннің су бұру жүйесіне қосылған Тұтынушылардың сарқынды су көлемі жіберілген су көлеміне тең қабылданады;

7) ағындысы шұңқырға (септикке) бұрылған және кейін ол тасылып шығарылып, елді мекеннің су бұру жүйесіне ағызылатын Тұтынушылардың сарқынды су көлемі тұтынылған су көлеміне тең қабылданады.

17. Сумен жабдықтаудың орталықтандырылған жүйесінен бөлек дербес кірмесі бар тұтынушылар – кондоминиумға қатысушылар үшін көрсетілген сумен жабдықтау қызметінің көлемі жалпы тәртіпте анықталады.

18. Кондоминиум объектісін басқару органы оның қатысушыларының жалпы жиналысының шешімімен үйге ортақ есептеу құралының көрсеткіштері мен оның қатысушыларының жеке есептеу құралдарының жиынтық көрсеткіштері арасындағы айырмашылықты қызмет көрсетушіге өз бетінше төлеуге құқылы.

19. Кондоминиум объектісін басқару органы кондоминиум объектісіне қатысушылардың жалпы жиналысының шешімі негізінде тиісті құқығы болғанда үйге ортақ есептеу құралы көрсеткіштерінің негізінде қызмет көрсетушімен көрсетілген сумен жабдықтау және су бұру қызметі үшін есептесу жүргізеді және қызмет көрсетушімен жасалған шарт негізінде өз бетінше кондоминиум қатысушыларынан төлем жарналарын жинайды.


^ 4. Тұтынушыларға – жеке кәсіпкерлер мен заңды тұлғаларға

сумен жабдықтау және су бұру қызметінің көрсетілген көлемін есепке алу


20. Есептеу құралы жоқ тұтынушыларға – заңды тұлғаларға көрсетілген қызметтің көлемі сумен жабдықтау және су бұру қызметін көрсетуге шарт жасасу кезінде құрастырылған су тұтынуды есептеу көлемі бойынша анықталады.

21. Тұтынушылар – заңды тұлғалар үшін су бұру қызметінің көлемі:

1) сумен жабдықтау және су бұру қызметін көрсету шартын жасасқан кезде қызмет көрсетушімен келісілген су көлемі шығарылатын өнімнің құрамына кірген;

^ 2) қызмет көрсетушімен техникалық сипаты мен көлемдері келісілген айналмалы және қайталама сумен жабдықтау жүйесін қолданған;

3) сумен жабдықтау және су бұру қызметін көрсету шартына сәйкес жасыл желектерді суаруға суды пайдаланған жағдайларда біржола шығындалған су көлеміне азаяды.


^ 5. Жеке жағдайларда сумен жабдықтау және

су бұру қызметінің көрсетілген көлемін есепке алу


22^ . Бұзушылықтар анықталған кезде сумен жабдықтау қызметінің көрсетілген көлемін есепте:

1) есептеу құралының көрсеткіштерін бұрмалаушы бұйымдарды айқындаған  жағдайда – соңғы тексеру жүргізген уақыттан бастап анықталған күнге дейін кірме су құбырының толық өткізу қабілеттілігі бойынша жүргізіледі, бірақ  екі айдан артық емес;

2) тұтынушының сумен жабдықтау жүйесінен ысырап анықталған кезде, кірмеде есептеу құралының болмауы немесе оның ақаулары болғанда – жойған күнге дейін нақты уақыт бойы кірме су құбырының толық өткізу қабілеттілігі бойынша жүргізіледі. Егер ысырап басталған күнді анықтау мүмкін болмаса – соңғы тексеру жүргізген уақыттан бастап, бірақ екі айдан артық емес;

3) есептеу құралын тексеру үшін қызмет көрсетушінің лауазымды адамын тұтынушы (оның өкілдері) жібермеген кезде – соңғы тексеру жүргізген уақыттан бастап жібергенге дейін есептеу құралы орнатылған су құбырының толық өткізу қабілеттілігі бойынша жүргізіледі;

4) тұтынушының есептеу құралында және/немесе су өлшеуіш торабының айналма сызығында (жапқыш жабдықта), өрт сөндіру гидранттарында пломбалардың жұлынуы анықталғанда – су өлшеуіш торабын немесе су өлшеуіш торабын соңғы тексеру жүргізген уақыттан бастап қызмет көрсетушінің өкілі қайта пломбалағанға дейін кірме су құбырының толық өткізу қабілеттілігі бойынша жүргізіледі, бірақ  екі айдан артық емес;

5) тұтынушы немесе оның өкілі есептеу құралын орнатуға негізсіз кедергі келтіргенде – бөгет болған сәттен бастап қызмет көрсетушінің өкілі пломбалағанға дейін есептеу құралы орнатылған су құбырының толық өткізу қабілеттілігі бойынша жүргізіледі;

Тұтынушы немесе оның өкілі есептеу құралын орнатуға негізсіз кедергі келтіргені туралы қызмет көрсетушінің өкілі тиісті акті жасайды, оған екі тарап қол қояды. Тұтынушы немесе оның өкілі қол қоюдан бас тартқан жағдайда, актіге қызмет көрсетушінің өкілі және су қорын пайдалану және қорғау, сумен жабдықтау, су бұру саласында өңірлік органының өкілі не қоршаған ортаны қорғау саласында аумақтық органының өкілі, не мемлекеттік санитарлық-эпидемиологиялық қадағалау органының өкілі, не кондоминиум объектісін басқару органының өкілі қол қояды;

6) қызмет көрсетушіге есептеу құралының ақаулары туралы хабарламаған кезде – соңғы тексеру жүргізген уақыттан бастап ақаулар анықталған кезге дейін су құбырының толық өткізу қабілеттілігі бойынша жүргізіледі, бірақ  екі айдан артық емес;

7) сумен жабдықтау және су бұру қызметін көрсету жөнінде қызмет көрсетушімен шарт жасаспай елді мекеннің (қызмет көрсетушінің) сумен жабдықтау желілерінен су пайдалану фактісі анықталғанда – кірмеге өз бетімен қосылып, нақты пайдаланған уақыттан бастап анықталған кезге дейін су құбырының толық өткізу қабілеттілігі бойынша жүргізіледі, бірақ  екі айдан артық емес;

8) өрт сөндіру жағдайларынан басқа, өртке қарсы жүйелерінен су пайдалану фактісі анықталғанда – өз бетімен пайдаланған уақыттан бастап анықталған кезге дейін өз бетімен пайдалану жүзеге асырылған өрт краны немесе гидрант алдындағы дейін су құбырының толық өткізу қабілеттілігі бойынша жүргізіледі, бірақ  екі айдан артық емес;

9) тұтынушының сумен жабдықтау жүйесіне қосылған су құбыры арқылы суару фактісі анықталғанда, кірмеде есептеу құралының болмауы немесе оның ақаулары болғанда – соңғы тексеру жүргізген уақыттан бастап мұндай су құбырының толық өткізу қабілеттілігі бойынша жүргізіледі, бірақ  бір айдан артық емес;

10) судың төгіле тұрақты ағу фактісі анықталғанда, кірмеде есептеу құралының болмауы немесе оның ақаулары болғанда – соңғы тексеру жүргізген уақыттан бастап су жеткізетін құбырдың толық өткізу қабілеттілігі бойынша жүргізіледі, бірақ  бір айдан артық емес.

23. Осы Әдістеменің 22-тармағындаа көрсетілген бұзушылықтар анықталған кезде су бұру қызметінің көлемін есептеу, 22-тармақтың 2) және 9) тармақшаларынан басқа, егер су бұру қызметінің көлемі есептелмесе, сумен жабдықтау қызметінің есептелген көлеміне тең қабылданады.

24. Қызмет көрсетушінің сумен жабдықтау жүйесіне қосылмаған тұтынушы су бұру жүйесіне ағызатын сарқынды су көлемін есептеуге қажетті деректер ұсынбаған жағдайда, көрсетілген су бұру қызметінің көлемі нақты пайдаланған уақыт кезеңі үшін елді мекеннің су бұру жүйесіне қосылған жерде өзі ағатын су құбырының толық өткізу қабілеттілігі бойынша анықталады.

25. Тұтынушының аумақтарынан, өнеркәсіп және құрылыс алаңдарынан елді мекеннің су бұру жүйесіне беткі сарқын суларды ағызу фактісі анықталғанда су бұру қызметінің көлемі соңғы тексеру жүргізген уақыттан бастап өзі ағатын су құбырының толық өткізу қабілеттілігі бойынша анықталады, бірақ бір айдан артық емес.

26. Батырылатын сорғылар және басқа айдау құрылғыларын пайдаланып, елді мекеннің су бұру жүйесіне нөсер, тасқын, топырақ суларын ағызу фактісі анықталғанда су бұру қызметінің көрсетілген көлемі соңғы тексеру жүргізген уақыттан бастап сорғы не айдау құрылғысы тәулігіне 24 сағат бойы жұмыс істегенде олардың шлангасының толық өнімділігі бойынша анықталады, бірақ бір айдан артық емес.



Похожие:

Сумен жабдықтау және су бұру қызметінің iconСалыстырмалы кесте
«5 сумен жабдықтау және су бұру жүйелеріне бұрын қосылмаған объектілер қосылған жағдайларда береді.»
Сумен жабдықтау және су бұру қызметінің iconПресс-релиз в целях реализации
Осы Санитариялық қағидалар сумен жабдықтау объектілеріне (орталықтандырылған және орталықтандырылмаған ауыз су, шаруашылық-ауыз сумен...
Сумен жабдықтау және су бұру қызметінің iconОтчет с 29 июля по 4 августа 2013 года № Дата выхода сми наименование статьи Электронные сми
«Ақ бұлақ» мемлекеттік бағдарламасы аясында 7,5 млрд теңгеден астам (50 млн доллардан астам) қаржы игеріледі. Бұл туралы Bnews kzтілшісіне...
Сумен жабдықтау және су бұру қызметінің icon2012 жылғы қаңтар-шілде айлары ішінде қолданыстағы бағалармен
Тау-кен өндіру өнеркәсібінде нақты көлем индексі 96,1 пайызды; өңдеу өнеркәсібінде 116,4 пайызды; электрмен жабдықтау, газ, бу беру...
Сумен жабдықтау және су бұру қызметінің iconСумен жабдықтау, кәріз жүйесі, қалдықтардың жиналуын және таратылуын бақылау секциясының маңызды өнім түрлерінің өндірісі 2011 жыл*
Сумен жабдықтау, кәріз жүйесі, қалдықтардың жиналуын және таратылуын бақылау секциясының маңызды өнім түрлерінің өндірісі
Сумен жабдықтау және су бұру қызметінің iconКонкурстық құжаттама топтамасының көшірмесі 2011 жылғы 7 сәуір күні сағат 12-00-ге дейін қоса алғанда электронды және қағаз жүзінде, Орал қаласы, Достық-Дружба даңғылы, 215, 5-қабат, №508, мекен-жайы бойынша сағат 9
Лот №1 «БҚо казталов ауданы Жұлдыз ауылының сумен жабдықтау жүйесін қайта құру», Лот №2 «БҚо казталов ауданы Қараоба ауылының сумен...
Сумен жабдықтау және су бұру қызметінің iconАҚпарат өнеркәсіптік өнімдер өндірісінің
Семей сынақ полигоны жерлері топырағының құнарлығын қалпына келтіру бойынша өнеркәсіптік өнімдер көлемі есепке алынды (2,4 млрд теңге)....
Сумен жабдықтау және су бұру қызметінің iconСатып алынатын жұмыстардың тізбесі «БҚо орал қаласының Зашаған ауылы «Болашақ» шағынауданындағы қосымша кварталдарды сумен жабдықтау»
«БҚо орал қаласының Зашаған ауылы «Болашақ» шағынауданындағы қосымша кварталдарды сумен жабдықтау» құрылысы жұмыстарын мемлекеттік...
Сумен жабдықтау және су бұру қызметінің icon2011 – 2020 жылдарға арналған «Ақ бұлақ» бағдарламасын іске асыру жөніндегі іс-шаралар жоспары
Сумен жабдықтау және су бұрудың жаңа объектілерін салу және қолданыстағы жүйелерін жаңғырту кезінде
Сумен жабдықтау және су бұру қызметінің iconБір көзден алу тәсілімен мемлекеттік сатып алу қорытындысы туралы Хаттама №2 Жаңақорған аудандық «Сумен жабдықтау нысандарын пайдалану және жөндеу» мкк-ы урв заз бұрғылау агрегатын сатып алу
Мемлекеттік сатып алуды ұйымдастырушы: Жаңақорған аудандық «Сумен жабдықтау нысандарын пайдалану және жөндеу» мемлекеттік коммуналдық...
Разместите кнопку на своём сайте:
Документы


База данных защищена авторским правом ©kzgov.docdat.com 2000-2014
При копировании материала обязательно указание активной ссылки открытой для индексации.
обратиться к администрации
Документы