Денсаулық сақтау саласындағы мемлекеттiк қызметтер стандарттарын бекiту туралы
|
 Денсаулық сақтау саласындағы мемлекеттiк қызметтер стандарттарын бекiту туралыҚазақстан Республикасы Үкiметiнiң 2012 жылғы 12 қазандағы № 1294 Қаулысы Қазақстан Республикасының 2008 жылғы 4 желтоқсандағы Бюджет кодексiнiң 34-бабының 2-тармағына, «Әкiмшiлiк рәсiмдер туралы» Қазақстан Республикасының 2000 жылғы 27 қарашадағы Заңының 9-1, 15-2-баптарына сәйкес Қазақстан Республикасының Үкiметi ҚАУЛЫ ЕТЕДI: 1. Қоса берiлiп отырған: 1) «Дәрiгердi үйге шақыру» мемлекеттiк қызмет стандарты; 2) «Дәрiгердiң қабылдауына жазылу» мемлекеттiк қызмет стандарты; 3) «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандарты бекiтiлсiн. 2. Осы қаулы алғашқы ресми жарияланған күнiнен бастап күнтiзбелiк он күн өткен соң қолданысқа енгiзiледi. Қазақстан Республикасының Премьер-Министрi С. Ахметов Қазақстан Республикасы Үкiметiнiң 2012 жылғы 12 қазандағы № 1294 қаулысымен бекiтiлген «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандарты 1. Жалпы ережелер 1. Осы «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандарты (бұдан әрi – мемлекеттiк қызмет) Қазақстан Республикасының денсаулық сақтау саласының бiрыңғай ақпараттық жүйесi шеңберiнде медициналық-санитариялық алғашқы көмек көрсететiн медициналық ұйымдарға (бұдан әрi – уәкiлеттi ұйым) электрондық форматтағы www.egov.kz «электрондық үкiмет» веб-порталы (бұдан әрi – портал) арқылы тiркеу қызметiн ұсынуды регламенттейдi. Мемлекеттiк қызмет сондай-ақ жеке тұлға немесе оның өкiлi уәкiлеттi ұйымға тiкелей жүгiнген кезде көрсетiледi, ол уәкiлеттi ұйымның тiркеу журналында тiркеледi. 2. Жұмыс кестесi: 1) уәкiлеттi ұйым – күн сайын дүйсенбiден жұма аралығында үзiлiссiз, сағат 8.00-ден бастап 20.00-ге дейiн, сенбi күнi сағат 9.00-ден 14.00-ге дейiн, демалыс күндерi: жексенбi және «Қазақстан Республикасындағы мерекелер туралы» Қазақстан Республикасының 2001 жылғы 13 желтоқсандағы Заңына сәйкес мереке күндерi; 2) портал – тәулiк бойы. 3. Электрондық форматтағы мемлекеттiк қызмет нысаны толық автоматтандырылған болып табылады. Электрондық емес форматтағы мемлекеттiк қызмет нысаны – автоматтандырылмаған. 4. Мемлекеттiк қызмет «Халық денсаулығы және денсаулық сақтау жүйесi туралы» Қазақстан Республикасының 2009 жылғы 18 қыркүйектегi Кодексiнiң және «Бастапқы медициналық-санитариялық көмек көрсету қағидаларын және Азаматтарды бастапқы медициналық-санитариялық көмек ұйымдарына бекiту қағидаларын бекiту туралы» Қазақстан Республикасы Үкiметiнiң 2011 жылғы 1 қарашадағы № 1263 қаулысының негiзiнде ұсынылады. 5. Мемлекеттiк қызмет тегiн көрсетiледi. 6. Мемлекеттiк қызметтi алушылар жеке тұлғалар (бұдан әрi – тұтынушы) болып табылады. 7. Мемлекеттiк қызмет: 1) тiкелей жүгiнген кезде - тұтынушының таңдауы бойынша уәкiлеттi ұйым ғимаратында; 2) электронды форматта – порталдағы жеке кабинетте көрсетiледi. 8. Мемлекеттiк қызмет туралы ақпарат: 1) Қазақстан Республикасы Денсаулық сақтау министрлiгiнiң интернет-ресурсында: www.mz.gov.kz; 2) уәкiлеттi ұйымдардың үй-жайларында; 3) порталда; 4) ресми ақпарат көздерiнде орналастырылады. Мемлекеттiк қызмет туралы ақпарат call-орталығының телефоны (1414) арқылы да ұсынылады. 9. Көрсетiлетiн мемлекеттiк қызметтiң нәтижесi: 1) уәкiлеттi ұйымға тiкелей жүгiнген кезде - қағаз түрiндегi (ерiктi нысандағы) тiркеу туралы анықтама (талон) беру; 2) порталға электрондық форматта жүгiнген кезде – осы стандартқа 1-қосымшаға сәйкес уәкiлеттi ұйымның электрондық-цифрлық қолтаңбасы қойылған электрондық құжат нысанындағы тiркеу туралы анықтама (талон) беру; 3) мемлекеттiк қызметтi көрсетуден бас тарту туралы дәлелдi жауап болып табылады. 10. Мемлекеттiк қызмет электронды форматта не уәкiлеттi ұйымға тiкелей жүгiнген кезде мүмкiндiгi шектеулi тұтынушыларға қызмет көрсетуге жағдайлар көзделген, өртке қарсы шаралар қабылданған уәкiлеттi ұйымда өтiнiш бiлдiрген күнi көрсетiледi. Залда күтуге арналған креслолар мен ақпараттық стендiлер орналастырылады. ^ 11. Уәкiлеттi ұйымға тiкелей жүгiнген кезде мемлекеттiк қызметтi алуы үшiн тұтынушының жеке басын куәландыратын құжаты (он алты жасқа толмаған адамдар үшiн – туу туралы куәлiк) болуы қажет. Мемлекеттiк қызметтi электрондық форматта алу үшiн тұтынушының: 1) жеке басын куәландыратын құжаттың деректерi (он алты жасқа толмаған адамдар үшiн – туу туралы куәлiк); 2) электрондық цифрлық қолтаңбасы болуы қажет. 12. Уәкiлеттi ұйымға тiкелей жүгiнген кезде мемлекеттiк қызметтi алуы үшiн тұтынушы ерiктi нысанда өтiнiш толтырады. Мемлекеттiк қызметтi электрондық форматта алу үшiн тұтынушы осы стандартқа 2-қосымшаға сәйкес порталдағы жеке кабинетте электрондық құжат нысанында сұрау салуды толтырады. 13. Уәкiлеттi ұйымға тiкелей жүгiнген кезде жауап (растау не бас тарту) бiр күн iшiнде берiледi, осы уақыт iшiнде тұтынушыға тiркеу туралы анықтама (талон) не мемлекеттiк қызметтi ұсынудан бас тарту туралы дәлелдi жауап берiледi. Тұтынушының сұрау салуы бойынша порталда электрондық форматта жауап (растау немесе бас тарту) бiр күн iшiнде берiледi, осы уақыт iшiнде осы стандартқа 1-қосымшаға сәйкес нысан бойынша электрондық форматта тұтынушыға жауап берiледi. Электрондық форматта мемлекеттiк қызмет порталға өтiнiш жасалған күнi көрсетiледi. Бұл ретте, мемлекеттiк қызмет алуға сұрау салу уәкiлеттi ұйымның жұмысы аяқталғанға дейiн 2 сағат бұрын қабылданады (жұмыс күндерi 18.00-ге дейiн, сенбi күнi 12.00-ге дейiн). 14. Уәкiлеттi ұйымға тiкелей жүгiнген кезде тұтынушының мемлекеттiк қызметтi алуға сұрау салуы: 1) осы Стандарттың 11-тармағында көрсетiлген талаптар орындалмағанда; 2) уәкiлеттi ұйымды еркiн таңдау кезiнде жылына бiр реттен жиi тiркелгенде; 3) уәкiлеттi ұйым тiркейтiн тiркелген халықтың саны нормативтерден асқанда; 4) бiрнеше уәкiлеттi ұйымға тiркелген кезде қабылданбайды. Мемлекеттiк қызметтi электрондық форматта алуға тұтынушының сұрау салуы: 1) осы Стандарттың 11-тармағында көрсетiлген талаптар орындалмағанда; 2) «Ақпараттандыру туралы» Қазақстан Республикасының 2007 жылғы 11 қаңтардағы Заңының 40-бабында көзделген нормаларға сәйкес келмегенде қабылданбайды. ^ 15. Уәкiлеттi ұйымның тұтынушыға қатысты қызметi мына қағидаттарға негiзделедi: 1) адамның конституциялық құқықтары мен бостандықтарын сақтау; 2) заңдылықты сақтау; 3) тұтынушылармен жұмыс iстеу кезiнде этика және деонтология қағидаттарын сақтау; 4) мемлекеттiк қызметтi көрсетудiң уақтылығы мен сапасы; 5) өтiнiштердi қарау кезiнде лауазымдық тұлғалар қызметiнiң айқындылығы. ^ 16. Тұтынушыларға мемлекеттiк қызмет көрсету бойынша жұмыстың нәтижелерi осы стандартқа 3-қосымшаға сәйкес сапа және тиiмдiлiк көрсеткiштерiмен өлшенедi. 17. Уәкiлеттi ұйымдардың жұмысы бағаланатын мемлекеттiк қызметтiң сапа және тиiмдiлiк көрсеткiштерiнiң нысаналы мәндерi жыл сайын Қазақстан Республикасы Денсаулық сақтау министрiнiң тиiстi бұйрығымен бекiтiледi. ^ 18. Осы стандартқа 4-қосымшада уәкiлеттi ұйым қызметкерлерiнiң әрекетiне (әрекетсiздiгiне) шағым беру тәртiбiн түсiндiретiн және шағымдарды әзiрлеуге жәрдемдесетiн лауазымдық тұлғаның байланыс деректерi көрсетiлген. 19. Көрсетiлген мемлекеттiк қызметтiң нәтижелерiмен келiспеген жағдайда шағымдар тұтынушының таңдауы бойынша мыналарға жүгiну арқылы: 1) электрондық мекенжайлары мен телефондары осы стандартқа 4-қосымшада көрсетiлген облыстардың, Астана және Алматы қалалары денсаулық сақтау басқармаларының тiкелей басшыларына жiберiледi; Облыстардың, Астана және Алматы қалаларының денсаулық сақтау басқармалары (бұдан әрi – басқармалар) басшыларының азаматтарды қабылдауы осы Стандартқа 5-қосымшаға сәйкес, сондай-ақ www.mz.gov.kz мекенжайы бойынша Қазақстан Республикасы Денсаулық сақтау министрлiгiнiң интернет-ресурсында орналасқан кесте бойынша жүзеге асырылады; 2) (8-7172)-74-32-40, 74-32-45 нөмiрi бойынша Қазақстан Республикасы Денсаулық сақтау министрлiгiнiң «сенiм телефондарына»; 3) осы Стандартқа 6-қосымшада көрсетiлген басқармалардың «сенiм телефондарына»; 4) www.mz.gov.kz мекенжайы бойынша Қазақстан Республикасы Денсаулық сақтау министрлiгiнiң интернет-ресурсындағы «сұрақ-жауап» бөлiмiнде; 5) Қазақстан Республикасы Денсаулық сақтау министрiнiң блогына (www.mz.gov.kz мекенжайы бойынша Қазақстан Республикасы Денсаулық сақтау министрлiгi интернет-ресурсының «Қазақстан Республикасы Денсаулық сақтау министрiнiң блогы» бетi); 6) 010000, Астана қаласы, Орынбор көшесi, 8, 5-кiреберiс мекенжайы бойынша Қазақстан Республикасы Денсаулық сақтау министрлiгiнде орналасқан шағымдар мен ұсыныстарға арналған жәшiктер арқылы; 7) 010000, Астана қаласы, Орынбор көшесi, 8, 5-кiреберiс мекенжайы бойынша Қазақстан Республикасы Денсаулық сақтау министрлiгiнiң кеңсесiне жазбаша шағым арқылы жiберiледi. 20. Порталда мемлекеттiк қызметтi сапасыз көрсетуге арналған шағымдарды тұтынушы порталдың call-орталығының телефоны бойынша (1414) жолдайды. 21. Көрсетiлген мемлекеттiк қызметтiң нәтижелерiмен келiспеген жағдайда, тұтынушы заңнамада белгiленген тәртiппен сотқа шағымдануға құқығы бар. 22. Мемлекеттiк қызметтi сапасыз көрсетуге шағым құзыретiне шағымда көрсетiлген мәселелердi шешу кiретiн субъектiге немесе лауазымдық тұлғаға жiберiлуi тиiс. Шағымда тегi, аты, әкесiнiң аты (жеке басын куәландыратын құжатта бар болса), пошталық мекенжайы, күнi көрсетiледi және тұтынушының қолы қойылады. Шағым беру кезiнде субъектiнiң атауы немесе әрекеттерiне шағым жасалатын лауазымды тұлғалардың лауазымы, тегi және аты-жөнi, шағымдану дәлелдерi мен талаптар көрсетiледi. 23. Қабылданған шағым Қазақстан Республикасы Денсаулық сақтау министрлiгiнiң, Қазақстан Республикасы Көлiк және коммуникация министрлiгiнiң ақпаратты есепке алу журналында (электрондық форматта) тiркеледi және «Жеке және заңды тұлғалардың өтiнiштерiн қарау тәртiбi туралы» Қазақстан Республикасының 2007 жылғы 12 қаңтардағы Заңымен белгiленген мерзiмдерде қаралады. Өтiнiш иесiне күнi және уақыты, шағымды қабылдаған адамның тегi және аты-жөнi көрсетiлген талон берiледi. Өтiнiш иесiне шағымды қарау нәтижелерi туралы пошта арқылы жазбаша түрде хабарланады. «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандартына 1-қосымша ^ (электронды форматта) 1. Расталған жағдайда: «Құрметтi ____________________________________________________ Сiз «______________________________» медициналық ұйымына тiркелдiңiз. Уәкiлеттi ұйым басшысының электрондық-цифрлық қолтаңбасы.» 2. Бас тартқан жағдайда: «Құрметтi _____________________________________________________ Сiзге «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызметiн көрсетуден бас тартылды. Бас тартудың себебi ___________________________________________ Уәкiлеттi ұйым басшысының электрондық-цифрлық қолтаңбасы.» «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандартына 2-қосымша ^ сұрау салу нысаны Мемлекеттiк қызмет атауы: «Медициналық-санитариялық алғашқы көмек көрсететiн медициналық ұйымға тiркеу». ЖСН: ________________________________________________________________ Т.А.Ә.: _____________________________________________________________ Облыс: ______________________________________________________________ Медициналық санитариялық алғашқы көмек ұйымының атауы:_______________ _____________________________________________________________________ Мекенжай мәлiметтерi: _______________________________________________ Байланыс деректерi: _________________________________________________ Тiркеу себебi: ______________________________________________________ «Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандартына 3-қосымша ^
«Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандартына 4-қосымша ^ Астана қалаларының денсаулық сақтау басқармаларының лауазымдық тұлғаларының байланыс деректерi
«Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандартына 5-қосымша ^ басқармалары басшыларының азаматтарды қабылдау кестелерi
«Медициналық-санитариялық алғашқы көмек көрсететiн медициналық ұйымға тiркеу» мемлекеттiк қызмет стандартына 6-қосымша ^ басқармаларының сенiм телефондары
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Похожие:
 | Денсаулық сақтау саласындағы мемлекеттiк қызметтер стандарттарын бекiту туралы Егемен Қазақстан" 2012. 12. 08., №809-814 (27885); "Казахстанская правда" от 08. 12. 2012 г., №427-428 (27246-27247) | | Денсаулық сақтау саласындағы мемлекеттiк қызметтер стандарттарын бекiту туралы Егемен Қазақстан" 2012. 12. 08., №809-814 (27885); "Казахстанская правда" от 08. 12. 2012 г., №427-428 (27246-27247) |
| Денсаулық сақтау саласындағы мемлекеттiк қызметтер стандарттарын бекiту туралы Егемен Қазақстан" 2012. 12. 08., №809-814 (27885); "Казахстанская правда" от 08. 12. 2012 г., №427-428 (27246-27247) | | Денсаулық сақтау саласындағы мемлекеттiк қызметтер стандарттарын бекiту туралы Егемен Қазақстан" 2012. 12. 08., №809-814 (27885); "Казахстанская правда" от 08. 12. 2012 г., №427-428 (27246-27247) |
| Денсаулық сақтау саласындағы мемлекеттiк қызметтер стандарттарын бекiту туралы Республикасының 2008 жылғы 4 желтоқсандағы Бюджет кодексiнiң 34-бабының 2-тармағына, «Әкiмшiлiк рәсiмдер туралы» Қазақстан Республикасының... | | Денсаулық сақтау саласындағы мемлекеттiк қызметтер стандарттарын бекiту туралы Республикасының 2008 жылғы 4 желтоқсандағы Бюджет кодексiнiң 34-бабының 2-тармағына, «Әкiмшiлiк рәсiмдер туралы» Қазақстан Республикасының... |
| Дiни қызмет саласындағы мемлекеттiк қызметтер көрсету стандарттарын бекiту және "Жеке және заңды тұлғаларға көрсетiлетiн мемлекеттiк қызметтердiң тiзiлiмiн бекiту Дiни қызмет саласындағы мемлекеттiк қызметтер көрсету стандарттарын бекiту және "Жеке және заңды тұлғаларға көрсетiлетiн мемлекеттiк... | | Дiни қызмет саласындағы мемлекеттiк қызметтер көрсету стандарттарын бекiту және "Жеке және заңды тұлғаларға көрсетiлетiн мемлекеттiк қызметтердiң тiзiлiмiн бекiту Дiни қызмет саласындағы мемлекеттiк қызметтер көрсету стандарттарын бекiту және "Жеке және заңды тұлғаларға көрсетiлетiн мемлекеттiк... |
| Денсаулық саласындағы мемлекеттік қызметтер регламенттерін бекіту туралы «Әкімшілік рәсімдер туралы» Республикасы Үкiметiнiң 2010 жылғы 20 шiлдедегi №745, «Медициналық қызмет саласындағы мемлекеттiк қызмет стандарттарын бекiту туралы»... | | Денсаулық саласындағы мемлекеттік қызметтер регламенттерін бекіту туралы «Әкімшілік рәсімдер туралы» Республикасы Үкiметiнiң 2010 жылғы 20 шiлдедегi №745, «Медициналық қызмет саласындағы мемлекеттiк қызмет стандарттарын бекiту туралы»... |